e... ma evo gledan malo ča je ko danas napisa pa svi nešto o petku trinaeston, srići, nesrići, crnin maškama, višticama i ostalin babarijama. ja ne virujen u sriće i nesriće od petka trinaestog i crnih maški. općenito me nije briga šta selo govori, a ako te jema šta strefit po ćiverci, ma more te strefit bilo koji dan a ne samo na petak 13. , e... meni se bar pari tako, e... eto nikidan mi se okliza postol i bilo je niza skale iako nije bija petak 13. vengo utorak 26. e, da ne mislite da sad nešto palamudin tot su dokazi, e. u sriću koju nosi grgurov palac virujen jerbo se meni već više puti pojavila, e... a u nesriću uopće ne želin virovat, a pogotovo ne u ovu od petka. kako ću virovat kad niki ne uvažavaju samo petak 13. ka dan o' velikih nesrića, vengo govore da ni u jedan petak ne valja ništa počinjat. asti gospu, a mene mater rodila baš u petak, uajmeeeeeeee koja je onda to nesrića po svin ti virovanjima, uf neću njanci mislit, e... ajmo ča dalje. maški ka ča već znate jeman u svin kolurama. evo i jedna crna. nemojte se pripast,e...

flekica

za ravnotežu jeman i bilu. evo i nje, e...
 

pahuljica

da me sad ne bi tokalo odgovarat na puste mailove i ostale vrsti privatnih poruka, odma ću reć da nisu na prodaju. neka meni sriće i nesriće koju mi nose, e... u nesriću ne virujen pa mi se ona ritko i događa. more me strefit samo koja pegula, ali koga ne strefi, e... inače, najveća nesrića koja mi se danas dogodila su artičoke i biži za obid, a kako tu spizu puno volin, morete mislit koja nesrića, e... a sad se odma moran kucnit u drvo da me ne bi strefila koja prava nesrića, hehe... gren ča, još malo i finit će mi posal, vikeeeeeeeeend počinje, e... jemate pozdrav!

notano o' xvii: 13.05.2005., 18:45